D Steffi wird das Jahr 30i! Zum de Verlust vo ihrne 20er betruure, wür si gern nöd elei si und die Beerdigung zeme mit eu verbringe.
De ganzi Truurevent findet am Samschdig 6. September 2025 statt. Abem 4i findet mier eus alli im Schützhuus z Obfelde ih.
S Schützehuus liit ah de Schützehuusstrass 60 in 8912 Obfelde. Die nöchste Bushaltestelle sind d Gessnerstrasse oder die alti Post.
Bitte schwarz ahlegge das isch ja schliesslich e Beerdigung.
Fürs Hauptgricht isch gsorgt ich bin aber uf eui Mithilf bi de Biilage ahgwiese. Ich wür mich freue wenn es paar Salat, Brot, Apero, Dessert, öppis ztrinke oder suschtigi Biilage würded mitbringe. Bitte gad im Ahmeldetool ihgeh demit ich chan koordiniere. Danke schomal allne im voruus.
Ich freue mich natürlich über jedes Gschenk aber s grösste Gschenk isch das ich mit eu def fiire, entsprechend müender nüüt mitbringe. Falls ihr mir glich unbedingt öppis wennd schenke, aber nöd wüssed was, defeder mer gern eifach es bizeli öppis fürs Fest detlah oder twinte.
Bitte düend eu doch da gschwind ahmelde, demit ich öppe weiss wie vil lüüt das chömed. Partner sind herzlich willkomme und sölled doch bitte selber gad de QR-Code scanne und sich ahmelde.
Zum Abschied vo ihrne 20er wemmer gern Erinnerige und Moment vo Steffi teile und dadrus es Quiz mache. Gebed doch unde 1-3 Frage oder uussage zu de Steffi ah. Das chan es lustigs föteli si wommer fragt was da passiert isch oder was ih de Steffi ihrem chopf echt vorgange isch, es gmeinsams Feriefoti oder susch e frag wo ihr d Antwort wüssed und deshalb klar im Vorteil sind, die andere aber rate müend.